स्वामी विवेकानंद मराठी भाषण,Swami Vivekananda Marathi Speech,

स्वामी विवेकानंद मराठी भाषण,

Swami Vivekananda Marathi Speech,

अतिशय सुंदर आणि सोपे मराठी भाषण 

सर्व वर्गांसाठी उपयुक्त 

एकूण 03 भाषणे 

भाषण क्रमांक 01

1) सर्वांना माझा नमस्कार.

 2) माझे नाव आयुष आहे.

3) आज मी आपणास स्वामी विवेकानंद यांच्या विषयी माहिती सांगणार आहे. 

4) स्वामी विवेकानंद हे महान भारतीय तत्त्वज्ञानी होते. 

5) त्यांचा जन्म 12 जानेवारी 1863 रोजी कोलकता येथे झाला. 

6) त्यांचे पूर्ण नाव नरेंद्रनाथ विश्वनाथ दत्त असे होते. 

7) त्यांनी सन 1893 मध्ये अमेरिकेतील शिकागो शहरात दिलेले भाषण खूप प्रसिद्ध आहे. 

8) स्वामी विवेकानंदांनी स्थापन केलेले 'रामकृष्ण मिशन' आजही कार्यरत आहे.

9) त्यांनी 4 जुलै 1902 रोजी पश्चिम बंगालमधील बेलूर मठ येथे समाधी घेतली.

10) स्वामी विवेकानंदांचे कार्य व विचार नेहमी आपल्याला प्रेरणा देतात. 

               धन्यवाद !

   जय हिंद !   जय महाराष्ट्र !

भाषण क्रमांक 02

      "उठा जागे व्हा आणि जोपर्यंत ध्येय प्राप्त होत नाही तोपर्यंत थांबू नका"

    असा जगाला मूलमंत्र देणारे प्रभावी व्यक्तिमत्व म्हणजे..... स्वामी विवेकानंद.......

स्वामी विवेकानंद हे एक तेजस्वी व्यक्तिमत्व लाभलेले महान तत्वज्ञानी व कुशल वक्ता होते. त्यांचा जन्म 12 जानेवारी 1863 रोजी कोलकाता येथे झाला. त्यांच्या वडिलांचे नाव विश्वनाथ दत्त व आईचे नाव भुवनेश्वरी देवी असे होते. विवेकानंदांचे पूर्ण नाव नरेंद्र विश्वनाथ दत्त असे होते. लहानपणी स्वामी विवेकानंदांवर त्यांच्या आई-वडिलांनी उत्तम संस्कार केले. त्यांनी तत्त्वज्ञान, धर्म, इतिहास, विज्ञान, कला, साहित्य इत्यादी विषयांचे सखोल ज्ञान मिळवले. त्याचबरोबर वेद, उपनिषद, पुराण, रामायण, महाभारत अशा ग्रंथांचा अभ्यास केला. तसेच ते खेळ व शारीरिक व्यायामात ही कुशल होते. 

          रामकृष्ण परमहंस त्यांचे गुरु होते. त्यांनीच त्यांना विवेकानंद हे नाव दिले. स्वामी विवेकानंदांनी जनतेच्या उद्धारासाठी रामकृष्ण मिशन व रामकृष्ण मठ स्थापन केले. त्यांनी अनेक ठिकाणी अनाथ आश्रम, वस्तीगृह, रुग्णालय स्थापन करून समाजसेवेचे अनमोल कार्य केले. 

अशा या महान व्यक्तिमत्वास माझा मानाचा मुजरा.

 एवढे बोलून मी माझे दोन शब्द थांबवतो.

       जय हिंद ! जय महाराष्ट्र !

भाषण क्रमांक 03

सन्माननीय व्यासपीठ आदरणीय गुरुजन वर्ग आणि माझ्या मित्र-मैत्रिणींनो, 

  आज मी आपणास स्वामी विवेकानंद यांच्या बद्दल दोन शब्द सांगणार आहे ते तुम्ही शांतपणे ऐकून घ्यावे.

              स्वतःचा हेतू प्रबळ ठेवा.

            लोकांना जे बोलायचं असेल ते बोलू द्या.

         एक दिवस हीच लोक तुमचं गुणगान करतील.

 असे म्हणणाऱ्या स्वामी विवेकानंदांचा जन्म 12 जानेवारी 1863 रोजी कोलकाता येथे झाला. त्यांचे मूळ नाव नरेंद्र नाथ दत्त होते. स्वामी विवेकानंदांनी आपल्या विचाराद्वारे आणि कार्याद्वारे भारतीय समाजाला नवचेतना दिली. त्यांच्या जीवनाचे ध्येय मानवतेची सेवा आणि आत्मोन्नती होते.

        नरेंद्रनाथ दत्त म्हणजेच भावी स्वामी विवेकानंद यांचा जन्म एका संपन्न आणि सुशिक्षित कुटुंबात झाला. त्यांच्या वडिलांचे नाव विश्वनाथ दत्त आणि आईचे नाव भुवनेश्वरी देवी होते. त्यांनी आपल्या शिक्षणाची सुरुवात कोलकत्यातील मेट्रोपॉलिटन इन्स्टिट्यूशन मध्ये केली. नरेंद्रनाथ हे बुद्धिमान आणि जिज्ञासू विद्यार्थी होते.

स्वामी विवेकानंद यांचे मत होते की, शिक्षण हे समाजाच्या प्रगतीसाठी अत्यंत आवश्यक आहे. त्यांनी मुलांना शिक्षण देण्याचे महत्त्व विशद केले आणि त्यांच्या सर्वांगीण विकासासाठी शिक्षण आवश्यक आहे असे सांगितले आणि त्यांच्या मते शिक्षणाने व्यक्तीच्या शारीरिक मानसिक आणि अध्यात्मिक विकासाला प्रोत्साहन मिळते. त्यांनी शिक्षणाचे महत्त्व पटवून दिले आणि शैक्षणिक संस्थांची स्थापना केली. 

स्वामी विवेकानंद यांचे जीवन मानवतेच्या सेवेसाठी समर्पित होते त्यांनी गरिबांच्या आणि गरजूंच्या सेवेसाठी आपले संपूर्ण जीवन समर्पित केले त्यांच्यामध्ये मानवतेची सेवा हीच खऱ्या धर्माची ओळख आहे. 

     स्वामी विवेकानंद हे भारतीय युवांचे प्रेरणास्त्रोत आहेत. त्यांच्या धैर्य, आत्मविश्वास आणि सेवा यामुळे भारतीय युवकांना प्रेरणा मिळते. त्यांनी नेहमीच युवांना त्यांच्या क्षमतांचा विकास करण्याचे आणि समाजसेवेत सहभागी होण्याचे आवाहन केले आहे आणि म्हणून त्यांचा जन्मदिन आपण 'युवक दिन' म्हणून साजरा करत आहोत. 

     अशा या थोर विचारवंत, अध्यात्मिक गुरुस माझा मानाचा मुजरा.

 एवढे बोलून मी माझे दोन शब्द संपवतो.

         जय हिंद ! जय महाराष्ट्र !